在香港要成為贏家的一份子，一定要買樓，而且越早買樓，越著數！

轉貼內容：

來源： https://bit.ly/3hW0ZQG

儲多啲首期先買樓 　超錯﹗

很多人有一個錯覺，為了想減輕供樓負擔，每月供少啲，所以覺得要儲多啲首期先可以買樓。又有一些朋友認為，問銀行借高成數按揭要畀利息，唔想畀銀行賺咁多，所以寧願儲多啲先上車。其實呢兩個思維很錯，會令大家錯過很多買樓時機。

儲夠首期需時很久

首先，你打算儲幾多首期呢？

假設你今天睇中的單位今天賣 $500 萬，是一個樓齡約 30 年，面積 300呎的上車盤，做 9 成按揭，首期是 $50 萬，借銀行 $450 萬。所謂儲多啲首期，即是儲多幾多？

正常情況下應該是以 4 成首期做目標吧，唔使俾按揭保險費，即是要 $200 萬，換句話說你要儲多 $150 萬，要儲幾耐？

每月儲 $1.5 萬？與借 9 成的供款也差不多，點解唔而家買呢？

那麼，如果儲少些，每月儲 $1 萬？儲 150 個月？ 12 年有多喎！一個生肖圈喎！

當儲到之後，到時樓價又貴咗！

全球印銀紙，唔好講樓價升值，淨係講銀紙貶值，最少都貴 3、4 成啦，就當 $700 萬，當你辛辛苦苦儲到 $200 萬？唔好意思，又唔夠啦， 4 成首期要 $280 萬，又要多 $80 萬！又要儲多幾年，咁儲法，百年歸老都必買到！就算儲到，以 $700 萬計，借 6 成即是 $420 萬，供款爭得幾遠呢？儲咁多年錢，又要俾多 200 萬買層樓，為乜呢？

槓桿低 回報又少咗！

例如你睇中的單位， 3 年後由 $500 萬升到 $600 萬，今日你用 1 成首期即 $50 萬買入，賬面回報就是 100/50 = 200%！如果你用 4 成首期買，即是首期要 $200 萬，賬面回報就只有 100/200 = 50%，回報足足低了 4 倍！

疫情過後，世界各國不斷印銀紙，利率偏低，如果用 H 按，很多時候利息都低於 2% ，成本咁平，有得借，點解唔借？只要找到一個年回報高於 2% 的投資就有賺，以我們團隊的起樓項目，每年回報 20% 以上，賺息差都賺到笑！

最後，你會輸了時間！

由於現在 SSD （Seller's Study Duty），持貨 3 年出售才免罰重稅，之前都跟大家分享過，年青人應該以 3~4 年走一轉為目標，壯大資產，基本上 10 年內應該可以走第 3 轉，賺到逾千萬資產了。

你呢？用這黃金 10 年來儲首期！！

失去千萬資產！失去早日財務自由的機會！為了甚麼？

就是為了將來每個月供少幾千元？

買樓的好處多多多，首先是抗通脹！！

供樓與租樓的價錢其實是差不多，但比租樓好，不會被人每年加租，而且隨時間的轉移，將會越供越輕鬆。

例如供款30年，假設每月供款16,000元，那麼30年都是供16,000元。

10-20年後的16,000元根本不算什麼，而且樓價會升值，到時賣了又賺一筆。

但如果租樓，租金會隨物價上升，可能10-20年後，已經是16,000的N倍了！而且你租的那層樓，永遠都不是屬於自己的。