有無人打算讀完大學，再重考一次DSE？

轉貼內容：

我今年40幾歲, 二十幾年前考過會考, 但由於懶惰, 所以成績不能拿高分, 全部只合格, 不能升讀。出來社會轉過無數工, 人工唔高。之前讀完OU 遙距 degree, 但對工作無幫助。幾年前入左政府做低級職位, 最近睇到很多身體有殘障的學生都可以喺DSE拿到高分成績, 令我有衝動想報夜校中四至中六課程考DSE。由於政府工很著重主科中文和英文成績, 如果想考高級既工, 中文和英文起碼要有3或以上, 所以希望可以考返DSE, 對考政府高級既工有幫助。

由於已經做左咁多年工作, 有感覺公開成績的重要性, 因此現在想考返DSE既心態係咁成熟一點, 也會認真地讀。由於我已經有OU degree, 覺得以前會考其實無degree 課程咁難。加上我熱愛所有DSE相關科目, 相信自己有興趣讀下去的。
我打算讀6科, 因為只讀1,2 科既話, 感覺成績單不完整。而且其他科目也是我喜愛的科目。我覺得如果DSE成績是好既話, 將來考其他政府高職位既工會有幫助, 也可以繼續靠DSE成績來進修。

中文是日常語言, 應該唔太難應付; 英文放多啲時間溫習, 對日常生活也有幫助, 學好英文; 數學有挑戰性, 懂得計算便可以拿高分; 通識只要平時多留意時事, 相信唔難。其餘兩科也是我的喜愛科目, 感覺再重溫應該可以記得返之前所學既東西。
你地覺得我咁既安排考DSE 好嗎？我想由中四讀起是因為想打好基礎。我唔想再讀其他HD或 Degree, 因為政府工要考慮公開試成績。

請問有人和我一樣打算讀返書嗎？

人生流流長, 遲啲讀既話, 可能又再改制度。同埋我覺得, 就算我唔讀夜校考DSE, 時間都是會浪費掉的, 倒不如現在下决心讀左去先, 反正往後仲有幾十年生活和工作要過呢！
之前都見過有人40幾歲考DSE和順利完成大學, 也有成功人仕自修考會考和高考。他們讀完都可以向目標前進, 因為仲有幾十年工作要捱, 所以自己唔想有遺憾。
你們有何意見?

希望有志同道合既人分享下啦！