Notifications
Clear all
Topic starter
09/01/2025 2:34 下午
以下事主好險！心急找工作的人，大家小心！
轉貼內容：
演員范虎接受內媒訪問時亦自稱爭啲同王星一樣被送到園區，但因為有懷疑而冇上到「專車」，後來成功甩身並安全回國。
同王星差不多時間到達泰國嘅范虎，因為發覺唔對路而成功逃脫
范虎指上月27日喺一個演員群組見到有招募信息，范後來試演兩段戲並發俾劇組，對方居然一個鐘頭後就回覆話好滿意。范虎本來覺得奇怪，但因為劇組聲稱男主角可能甩底，令范放下戒心。連同范虎在內嘅4個演員以及劇組接頭人開咗個群組，而范虎同另一名自稱同樣被騙嘅徐大久，喺12月28日就飛到曼谷，但接頭人安排2架車接范虎同徐大久，令佢地心生疑惑。
范虎之後收到一同被招募到泰國嘅另外2名演員向佢發訊息，話佢地嘅回程機票被退票，范更加覺得唔對路，范虎嘅經理人叫佢唔好上接頭人安排接送嘅車輛，范虎同徐大久於是自己搵車去接頭人安排嘅酒店。范虎其後發現，接頭人幫4個演員只係訂一間房，並聲稱因為酒店冇房，但范虎查看訂房平台發現酒店有唔少空房，令佢思疑接頭人係咪故意將4個人分開。
范虎後來喺社交平台搵到劇組資料顯示嘅泰國導演，私信對方了解詳情，導演好快就否認拍戲事宜，並著范虎等人小心安全。范虎等四人知道墮入騙局，於是偷偷離開酒店，並且同前台職員講話去玩，而且搬去另一酒店暫避。最終4個人喺12月30日安全返回北京。
「劇組」提供嘅劇情大綱、角色性格設定等資料相當詳細
報導刊登咗「劇組」提供嘅劇情大綱、角色性格設定等資料，范虎話「劇組」相當熟悉演藝圈運作，片酬亦好接近市價，因此好容易信以為真。
